سحل وتعرية مواطنة مصرية فى النيابة الإدارية

تحيا مصرو مصر تحيا

     

    

  تحيا مصر و مصر تحيا

  تحيا مصر للحرامى و اللى سارق الفلوس

      تحيا مصر و مصر تحيا للصوص

          تحيا مصر للقضاة والأكابر

         مصرتحيا للعوالم و العساكر

      تحيا مصر باللى قام من غير فطار

       مصرتحيا و هى نازلة فى إنحدار

              تحيا مصرباقتصادها

            تحيا مصرو هى راضية

            بان تبقى جيوبها فاضية

      تحيا مصر باللى باعوا فى المصانع

مصر تحيا بالقاهاوى و اللى مدمن و اللى صايع

      تحيا مصرغصب عنى و غصب عنك

         مصر تحيا و التمن دمى و دمك

           تحيا مصر بالكلام والوعود

        مصر تحيا باللى فرط فى الحدود

          مصر تحيا بالفقيراللى اتعدم

      تحيا مصرللرئيس و الوزير و الخدم

       تحيا مصر يالى فاكر يوم ميلادك

       مصر تحيا يالى عمرك كله فاتك

           مصر تحيا فى كل حته

       مصرتحيا باللى راكب بسكلته

         تحيا مصر فى الوسيه

     تحيا مصر بالسجون و البندقية

          تحيا مصر بالكفيل

  مصر تحيا باللى راضى يكون ذليل

   تحيا مصر بالعساكر و الحراسه

 مصر تحيا بالخيانة و ديه الخلاصه

       تحيا مصر و مصر تحيا

      نفسى أشوفها مره صاحيه

       يمكن أقدر اقولها تحيا

                                                                              شعر:خالد سعيد