اضرب رصاصك على اللى ساجد

اضرب رصاصك ع اللى ساجد..سيب اليهود تمرح فى سينا

قفل لنا كل المساجد...وامنع كمان صلاة نبينا

زود رواتب العساكر..زود كمان اسعار علينا

قلل معاش وألغى فى كادر..و كفايه نور يا نور عنينا

و اسرق الدعم م المخابز..و الكهربا ويا البنزينه

و اسرق فلوس فقير و عاجز..و اشترى لك فيلا بمارينا

و اقطع لسان و اللى يعارضك..و إملى سجون بلدنا بينا

و إقفل قنواتنا و الجرايد..و افرض كمان رايك علينا

واسحل بناتنا و الحراير..و اغتصبهم جواه الكابينه

ربك عليك قادر يا فاجر..و الحق راجع بكره لينا

و عرفنا مين اللى خدعنا..هو اللى قال يا نور عينينا

و رجعنا واحد و اتحدنا..بعد اللى شايفينه بعينينا

عمال و فلاحين و طلبه..دقت ساعتنا و ابتدينا

نسلك طريق مالهش راجع..و النصر قرب من عينينا

و الفجر بكره لينا طالع ..مهما تسودها فى عينينا

                                                                             غناء عطوة كنانه ومصطفى الصاوى
                                                                                         و محمد باكوس
                                                                                    كلمات مصطفى الصاوى