ممحونة

ممحونة

قلبى دايب فى الفتوة

عنده رقة و عنده قوة

من المروة كرهت جوزى

جوزى معدوم المروه

آه  يا وحشين انتوا بره

بره قلبى و هو جواه

سيرته بتسخن لى جسمى

صوته خلى الدنيا حوة

إن سمعته اشعر بحاجة

حاجة مالهاش فى الأخوة

قال أبونا جتكوا نيله

خدت أنا أيه من الأبوة

ياختى ياختى هو آدم

 والبلد دى بحالها حوا

لو تعبوا نحنحاته

أشترى خمسين عبوة

كبه يا اللى وقفتوا ضده

انت عو و أنتى عوا

قباله منه أى حاجة

مهما يعمل ..مهما سوا

مين يقول للبحر حاسب

لو لمح فى البحر نوة

الحاجات تغلى ..ما تغلى

هو أغلى ..ايوة هو

يقطع النور..طب و ما ماله

نوره من أسوان لفوة

لما جه يوم إنتخابه

رحت ارقص له بدلع

رحت أرقص له و ازغرت

آه يا وسطى اللى إتخلع

آه يا لهوى على الطعامة

ياختى أنعم من النعامة

جبت له بأيدى الزعامة

بكرة هطلب له النبوة

                                                                                      د.  صلاح عبد الله