أنا اللى هتفت سلمية

 
               

      كلمات هديل عبد السلام

                    الحان صهيب شكرى

                غناء عاصم إمام

أنا اللى هتفت سلميه

لانا صايع و لا بايع سنين عمرى اللى الباقيه بلاش

ولا عاوز أشوف أمى قلقها عليا مبيهداش

لا عاوز أشوفها شيله الهم و تبكى لو تشوف الدم

ولما تسال عليا تقول دا ضنايا راح ولا جاش

أنا اللى هتفت سلميه

ولا كان نفسى أشم الغاز و لا أمسك طوبة فى إيديا

أنا اللى هتفت سلميه

مكنش فبالى ضرب النار ولا أنى انضرب برصاص

ولانه تبقى عينى نشان لظابط مفترى قناص

أنا اللى نزلت بهتافى خلعت نظام و حققت اللى كان فكرينه قال أحلام

ساعتها أتشلت فوق الراس و قالوا عليا أحلى كلام

دا كان فى يناير الماضى بداية العام و مات أيامها صاحبى فؤاد

ومات خالد و مات رامى و راحت عين قريبى هشام

وعدى الشهر بعده الشهر و فاتوا عليا زى الدهر

و دم الشهدا يفزعنى و يقلق راحتى كل منام

ساعتها لقتنى متكتف و قلت لابد اعود اهتف

رجعت هتفت سلمية و قلت الدم مش للبيع

بورقه بعشره أو ميه فإيدى أيه غير أن أهتف

فضلت أهتف.....فضلت أهتف

وقلت يا ناس انا اللى هتفت سلمية

قالولى لأ و نكرونى..

وشفت الدم من تانى و عاد المشهد الدامى

ودا كان يوم ممات مينا عشان مقبلش تانى الظلم

وراح يهتف

وزادت قايمة الشهدا عدد مالناس فى منهم صابته رصاصة أو اللى انداس

وزادوا الحزن و القهره و عادوا الكرة مية مره

وسال الدم من تانى على جلبنه و غرق عمته الحره

و من تانى عشان خاطرك يسيل الدم يا طاهره

وبعد دا كله أنا اللى هتفت سلميه

ويسقط كل منخانوا ..و يسقط كل من هانوا

و يسقط كل من وقفوا فى وش جيل بيتحرر

و يسقط كل من ضربوا ..و يسقط كل من قتلوا

و يسقط كل من شطبوا سطور فى تاريخ بتتسطر

ومن تانى رخص دمى وسال فى شوارع التحرير

معدش بينفع التبرير..و رجعوا و قالوا تستاهل

لكن عرفين أنا أستاهل ..عشان أنا كنت متساهل

و لجل يكون فى معلمكوا مفيش حريه بالساهل

ومهما يسيحوا فى دمى أرداتى مش هتتكسر

فدا بلادى تروح الروح ولا أشوفها بتتعسكر