أمانه متقلوش لامى أنى مت فى حادثة قطر

أنا فرحان لأنى هموت وإداست راسى على القضبان

أنأ فرحان لأنى هاروح أعيش هناك بلا أحزان

خلاص مش هحتقر نفسى و لا أشوفنى بقلب جبان

و لا هلعن ظروف خوفى ولا هخاف تانى من السجان

أنا عشت متعذب ومتغرب و انا داخل الأوطان

أروح للى يحمينى أحس بجد إن أنا إنسان

محمد عيد بيأمنكم أمانة لو سألت فى يوم أمى

قولوا لها دا مات كده فارس

 شهيد راجل فى قلب الحرب

عشان أرضه..عشان عرضه و لا أتذلش فى لحظه لحد

مانا عارف يا ناس أمى..كده هتطير من الفرحة

و تتباهى بموتى كمان

أمانه يا ناس ما حد يقول فى يوم لامى

 ده راح منك فى حادثة قطر

                                         أبو الطيب محمد و سندباد الكلمة